इंग्लंड विरुद्ध भारतीय क्रिकेट संघाचा तिसरा टी 20 सामना राजकोटमध्ये रंगला, आणि या सामन्यात वरुण चक्रवर्थीने 5 विकेट्स घेत टीम इंडियाला विजय मिळवण्यासाठी उत्कृष्ट गोलंदाजी केली. तरीही, भारतीय फलंदाज अपयशी ठरले आणि टीम इंडिया विजय मिळवू शकली नाही. यामुळे वरुणने सामन्यानंतर आपली खदखद व्यक्त केली. टीम इंडियाने इंग्लंडला सलग दोन टी 20 सामन्यात पराभूत करून मालिका विजयाची दिशा ठरवली होती. 28 जानेवारीला, राजकोटमध्ये तिसऱ्या सामन्यात विजय मिळवून मालिका जिंकण्याची मोठी संधी टीम इंडियाला होती. गोलंदाजांनी चांगली कामगिरी केली, विशेषतः वरुण चक्रवर्थीने. त्याने 4 ओव्हरमध्ये 24 धावा देत 5 विकेट्स घेतल्या, आणि इंग्लंडला 171 धावांपर्यंतच सीमित केले. पण, भारताच्या फलंदाजांनी एकाही मोठ्या खेळीचे प्रदर्शन केले नाही, आणि 20 ओव्हरमध्ये 9 विकेट्स गमावून 145 धावांवरच भारताचा संघर्ष संपला. इंग्लंडने 26 धावांनी सामना जिंकला आणि 5 सामन्यांच्या मालिकेत 1-2 ने पिछाडीवर असताना आव्हान कायम ठेवले. वरुण चक्रवर्थीचे मत वरुण चक्रवर्थीने सामन्यानंतर आपल्या भावना व्यक्त केल्या. “आम्ही यशस्वी होऊ शकलो नाहीत, हे खूप दुखावणारे आहे. मात्र क्रिकेट हा असाच खेळ आहे. आम्हाला या पराभवावर मात करून पुढे जावं लागेल,” असं त्याने सांगितलं. त्याने पुढे म्हटलं, “देशासाठी खेळताना एक जबाबदारी असते, आणि मी भविष्यामध्येही अशीच कामगिरी करून दाखवेल, अशी आशा आहे.” वरुणने आपल्या गोलंदाजीबद्दल देखील प्रतिक्रिया दिली. “कॅप्टन सूर्यकुमार यादवने अनेक वेळा माझ्याकडून सलग 4 ओव्हर बॉलिंग करुन घेतली आहे. पण मी तक्रार करत नाही. मी मानसिकरित्या तयार असतो. कदाचित मी आजवरच्या करिअरमधील सर्वोत्तम बॉलिंग केली आहे, आणि भविष्यात देखील अशाच प्रदर्शनाची आशा आहे,” असं त्याने स्पष्ट केलं. टीम इंडिया प्लेइंग इलेव्हन: सूर्यकुमार यादव (कर्णधार), संजू सॅमसन (विकेटकीपर), अभिषेक शर्मा, तिलक वर्मा, ध्रुव जुरेल, हार्दिक पंड्या, वॉशिंग्टन सुंदर, अक्षर पटेल, मोहम्मद शमी, रवी बिश्नोई आणि वरुण चक्रवर्ती. इंग्लंड प्लेइंग इलेव्हन: जोस बटलर (कर्णधार), फिलिप साल्ट, बेन डकेट, हॅरी ब्रूक, लियाम लिव्हिंगस्टोन, जेमी स्मिथ (विकेटकीपर), जेमी ओव्हरटन, ब्रायडन कार्स, जोफ्रा आर्चर, आदिल रशीद आणि मार्क वूड.
