AFG vs AUS: Champions Trophy 2025 च्या सामन्यात अफगाणिस्तान विरुद्ध ऑस्ट्रेलिया यांच्यातील लढत पावसामुळे रद्द करण्यात आली. हा सामना लाहोरच्या गद्दाफी स्टेडियममध्ये खेळवण्यात येत होता, मात्र पावसामुळे खेळपट्टी ओली झाली आणि सामना पुढे नेणं शक्य झालं नाही. विशेष म्हणजे पाकिस्तान क्रिकेट बोर्ड (PCB) कडे पुरेशी यंत्रणा नसल्याने ग्राउंड स्टाफला स्पंजचा वापर करून मैदान कोरडं करावं लागलं. या प्रकारामुळे सोशल मीडियावर पाकिस्तानवर मोठ्या प्रमाणात टीका झाली आहे. सामना कसा राहिला? अफगाणिस्तानने पहिल्या डावात 50 ओव्हर्समध्ये 273 धावा करत ऑलआऊट झाला. प्रत्युत्तरादाखल ऑस्ट्रेलियाने 12.5 ओव्हर्समध्ये 109 धावा केल्या होत्या आणि त्यांची केवळ 1 विकेट पडली होती. मात्र त्याच वेळी पावसाने खेळात अडथळा आणला. पाऊस थांबल्यानंतर मैदान व खेळपट्टी कोरडी करण्यासाठी प्रयत्न सुरू झाले, पण पुरेशी यंत्रणा नसल्यामुळे मैदान खेळण्यास योग्य स्थितीत आणता आले नाही. त्यामुळे अखेर सामना रद्द करण्यात आला आणि दोन्ही संघांना प्रत्येकी 1-1 गुण देण्यात आला. ग्राउंड स्टाफने स्पंजने पाणी साफ केलं? पावसामुळे ओलसर झालेल्या खेळपट्टीला कोरडं करण्यासाठी अत्याधुनिक उपकरणं नसल्याने ग्राउंड स्टाफकडून चक्क स्पंजने पाणी काढण्याचा प्रयत्न करण्यात आला. यामुळे PCB वर जोरदार टीका होत असून सोशल मीडियावर पाकिस्तानला ट्रोल करण्यात येत आहे. अनेकांनी या घटनेवर मीम्स शेअर करत पाकिस्तानच्या यजमानपदाच्या तयारीवर प्रश्नचिन्ह उपस्थित केले आहे. PCB वर टीका का? ग्राउंड स्टाफकडे पुरेशी साधने नसल्याने आंतरराष्ट्रीय सामन्यातही खेळपट्टी लवकर कोरडी करता आली नाही. पाऊस थांबल्यानंतरही सामना सुरू करता आला नाही, यावरून पाकिस्तानच्या व्यवस्थापनाचा अभाव दिसून आला. अनेक क्रिकेट चाहत्यांनी सोशल मीडियावर PCB च्या नियोजनशून्यतेवर नाराजी व्यक्त केली आहे. प्लेइंग इलेव्हन: ऑस्ट्रेलिया: अफगाणिस्तान:
