Olive Oil हा जगभरात आरोग्यासाठी उपयुक्त मानला जातो. हृदयाच्या आरोग्यासाठी, त्वचेच्या सौंदर्यासाठी आणि वजन कमी करण्यासाठी याचा मोठ्या प्रमाणावर उपयोग केला जातो. मात्र, कोणतीही गोष्ट प्रमाणाबाहेर गेली की तिचे दुष्परिणाम जाणवू लागतात. ऑलिव्ह ऑईलचे अधिक सेवन केल्याने काही गंभीर परिणाम होऊ शकतात. चला तर जाणून घेऊया ऑलिव्ह ऑईलचे फायदे आणि संभाव्य तोटे. 1. वजन वाढण्याचा धोका ऑलिव्ह ऑईलमध्ये कॅलरीचे प्रमाण जास्त असते. एक चमचा ऑलिव्ह ऑईल सुमारे 120 कॅलरी देतो. त्यामुळे जास्त प्रमाणात सेवन केल्यास वजन वाढण्याची शक्यता असते. 2. रक्तदाबावर परिणाम ऑलिव्ह ऑईलमध्ये असलेल्या घटकांमुळे रक्तदाब कमी होण्याचा धोका असतो. हायपरटेन्शनच्या औषधांसोबत त्याचा जास्त वापर केल्यास रक्तदाब खूप कमी होऊ शकतो. 3. कोलेस्ट्रॉलची पातळी वाढू शकते सॅच्युरेटेड फॅट्समुळे “बॅड कोलेस्ट्रॉल” (LDL) वाढण्याची शक्यता असते. हे हृदयासाठी घातक ठरू शकते. 4. अति उष्णतेमुळे पोषणमूल्य कमी होऊ शकते भारतीय स्वयंपाकात उच्च तापमानावर अन्न शिजवले जाते. एक्स्ट्रा व्हर्जिन ऑलिव्ह ऑइलचा स्मोक पॉइंट कमी असल्याने त्याचा स्वाद आणि पोषणमूल्य कमी होऊ शकते. 5. पचनतंत्रावर होणारा परिणाम अत्याधिक सेवन केल्यास पचनसंस्थेवर विपरीत परिणाम होऊ शकतो. काही लोकांना अपचन, अॅसिडिटी किंवा जळजळ होण्याची समस्या जाणवू शकते. आरोग्यासाठी योग्य प्रमाणात सेवन करा! ऑलिव्ह ऑईल निश्चितच फायदेशीर आहे, पण त्याचा वापर संतुलित प्रमाणात करणे महत्त्वाचे आहे. योग्य प्रमाणात सेवन केल्यास हृदयाचे आरोग्य सुधारते, त्वचा उजळते आणि संधिवातासारख्या त्रासांपासून आराम मिळतो.
