Bollywood Mumbai Updates

Saif Ali khan Attack: धक्कादायक घटना

Maharashtra KattaComment(0)
Spread the love

अभिनेता सैफ अली खानवर चाकू हल्ला झाल्याची धक्कादायक घटना घडली आहे. पहाटे ३.३० ते ४ वाजण्याच्या सुमारास हा प्रकार वांद्रे येथील सैफच्या राहत्या घरी घडला. या घटनेत सैफ अली खानला सहा जखमा झाल्या असून त्याच्यावर वांद्र्याच्या लीलावती रुग्णालयात शस्त्रक्रिया करण्यात आली आहे.

हल्ल्याची सविस्तर माहिती

सैफ अली खान घरी असताना एका अज्ञात व्यक्तीने घरात प्रवेश केला. या व्यक्तीने प्रथम सैफच्या गृहसेविकेसोबत वाद घातला. वादाच्या वेळी सैफ अली खान मधे पडला असता त्या अज्ञात इसमाने त्याच्यावर वार केले. या हल्ल्यात सैफ जखमी झाला असून सध्या त्याच्यावर उपचार सुरू आहेत.

कायदा सुव्यवस्थेवर प्रश्नचिन्ह

या घटनेमुळे महाराष्ट्रातील कायदा सुव्यवस्थेवर प्रश्नचिन्ह उपस्थित होत आहे. शिवसेना उद्धव ठाकरे पक्षाच्या नेत्या प्रियांका चतुर्वेदी यांनी वांद्रे भागात सतत नामांकित व्यक्तींना टार्गेट केलं जात असल्याबद्दल चिंता व्यक्त केली आहे. “सलमान खानला बुलेटप्रूफ घरात राहावं लागतं आहे, बाबा सिद्दिकींची हत्या झाली, आणि आता सैफ अली खानवर हल्ला झाला. हा ९० च्या दशकातील दहशतीचा ट्रेंड पुन्हा परतत असल्याचा प्रयत्न दिसतो,” असे प्रियांका चतुर्वेदी यांनी म्हटले.

वांद्रे भागातील तिन्ही मोठ्या घटना

वांद्रे परिसरात गेल्या काही काळात घडलेल्या तीन प्रमुख घटनांमध्ये एक पॅटर्न दिसतो. सलमान खानला मिळालेल्या धमक्या, बाबा सिद्दिकींचा खून, आणि आता सैफ अली खानवरील हल्ला या सर्व घटनांमुळे वांद्रे हा टार्गेट झाला आहे का, हा महत्त्वाचा प्रश्न उपस्थित होतो.

राजकीय प्रतिक्रिया

या घटनेवर राजकीय वर्तुळातून प्रतिक्रिया उमटत आहेत. झिशान सिद्दीकी यांनी बिल्डर लॉबीबाबत काही विचारलं जात नसल्याबद्दलही नाराजी व्यक्त केली आहे. “लॉरेन्स बिश्नोई गँगला ब्लेम केलं जात आहे, परंतु या घटना मुंबईत दहशत पसरवण्याचा प्रयत्न असल्याचं स्पष्ट आहे,” असे त्यांनी म्हटले.

Related Articles

chhaava box office collection
Bollywood सिनेमा

Chhaava Box Office Collection: A Blockbuster Journey

Maharashtra Katta
Spread the love

Spread the loveविकी कौशलचा ऐतिहासिक चित्रपट ‘छावा’ बॉक्स ऑफिसवर धुमाकूळ घालत आहे. १४ फेब्रुवारीला प्रदर्शित झालेला हा चित्रपट एका महिन्यानंतरही चांगली कमाई करत आहे. संपूर्ण भारतात या चित्रपटाने प्रेक्षकांचे भरभरून प्रेम मिळवले असून, त्याच्या कमाईचा वेग अजूनही कायम आहे. ‘छावा’ची बॉक्स ऑफिसवरील घोडदौड ‘छावा’ने २९ व्या दिवशी ७.२५ कोटी रुपयांची कमाई केली आहे, ज्यामुळे त्याची एकूण कमाई ५४६.७५ कोटी रुपयांपर्यंत पोहोचली आहे. होळीच्या सुट्टीच्या निमित्ताने चित्रपटाने चांगली कमाई करत बॉलिवूडच्या टॉप ३ सर्वाधिक कमाई करणाऱ्या चित्रपटांमध्ये स्थान मिळवले आहे. सध्या विकी कौशलचा ‘छावा’ बॉक्स ऑफिसवर तिसऱ्या क्रमांकावर आहे. शाहरुख खानच्या ‘पठाण’ने ६४०.२५ कोटी आणि श्रद्धा कपूरच्या ‘स्त्री २’ने ५९७.९९ कोटी रुपयांची कमाई केली आहे. ‘छावा’ चित्रपटाची कथा ‘छावा’ हा छत्रपती संभाजी महाराजांच्या जीवनावर आधारित चित्रपट आहे. औरंगजेबाच्या विरोधात संभाजी महाराजांनी दिलेल्या पराक्रमाची कहाणी या चित्रपटात प्रभावीपणे मांडण्यात आली आहे. अखेरच्या क्षणापर्यंत त्यांनी शत्रूपुढे हार मानली नाही आणि आपल्या स्वाभिमानासाठी लढा दिला. तगडी स्टारकास्ट आणि दमदार अभिनय लक्ष्मण उतेकर दिग्दर्शित या चित्रपटात विकी कौशलने छत्रपती संभाजी महाराजांची भूमिका साकारली आहे. त्याच्यासोबत रश्मिका मंदान्ना, अक्षय खन्ना, आशुतोष राणा, विनीत कुमार सिंह, सारंग साठ्ये, सुव्रत जोशी आणि संतोष जुवेकर यांच्याही महत्त्वाच्या भूमिका आहेत. विशेषतः अक्षय खन्नाने औरंगजेबाच्या भूमिकेत जीव ओतला आहे. ‘छावा’ला मिळालेला प्रतिसाद चित्रपटगृहांमध्ये ‘छावा’ पाहण्यासाठी अजूनही प्रेक्षकांची गर्दी आहे. चित्रपटाच्या दमदार कथानकामुळे आणि उत्कृष्ट अभिनयामुळे तो प्रेक्षकांच्या मनात घर करून राहिला आहे. तसेच, ऐतिहासिक चित्रपटांना प्रेक्षकांकडून मोठ्या प्रमाणात पसंती मिळते, हे या चित्रपटाच्या यशावरून दिसून येते. विकी कौशलचा मोठा विजय! या चित्रपटाच्या यशाने विकी कौशलला एक नवा सुपरस्टार म्हणून अधोरेखित केले आहे. ऐतिहासिक भूमिकांमध्येही तो सहज रमतो, हे त्याच्या अभिनयातून सिद्ध झाले आहे. ‘छावा’ने बॉक्स ऑफिसवर नवा विक्रम प्रस्थापित करत विकी कौशलच्या कारकिर्दीत महत्त्वाची भर घातली आहे. तुम्ही ‘छावा’ पाहिला का? तुमचा अनुभव आम्हाला कमेंटमध्ये जरूर कळवा!
Updates

Holi च्या रंगात जबरदस्ती नको! Know Holi Laws For Applying Colours

Maharashtra Katta
Spread the love

Spread the loveHoli हा आनंदाचा, रंगांचा आणि स्नेहाचा सण आहे. 14 March रोजी संपूर्ण देशात होळीचा रंगीबेरंगी उत्सव साजरा होईल. लोक आप्तेष्ट, मित्र आणि कुटुंबीयांसह हा सण मोठ्या उत्साहात साजरा करतात. मात्र, काही जण होळीच्या नावाखाली अनोळखी लोकांवर जबरदस्तीने रंग उधळतात, जे कायद्याच्या चौकटीत चुकीचे ठरू शकते. जर तुम्ही कोणावरही त्यांच्या इच्छेविरुद्ध जबरदस्तीने रंग लावला तर कायदेशीर कारवाई होऊ शकते. भारताच्या भारतीय दंड संहितेनुसार (IPC) आणि महिला सुरक्षेसंबंधी कायद्यांनुसार, जबरदस्तीने रंग लावणाऱ्या व्यक्तीला तुरुंगवास किंवा दंडाची शिक्षा होऊ शकते. होळीला जबरदस्तीने रंग लावल्यास कोणते कायदे लागू होतात? 1. भारतीय दंड संहिता (IPC) कलम 323 जर कोणत्याही व्यक्तीला जबरदस्तीने रंग लावताना शारीरिक दुखापत केली तर कलम 323 अंतर्गत गुन्हा दाखल केला जाऊ शकतो. 2. भारतीय दंड संहिता (IPC) कलम 354 महिलांना जबरदस्तीने स्पर्श करून रंग लावणे हा लैंगिक छळ मानला जातो आणि यासाठी कलम 354 नुसार गुन्हा दाखल केला जाऊ शकतो. यामध्ये 2 वर्षांपर्यंत तुरुंगवासाची शिक्षा होऊ शकते. 3. भारतीय दंड संहिता (IPC) कलम 509 महिलांचा अपमान किंवा त्यांचा अवमान करण्यासाठी रंग फेकणे हा गुन्हा आहे आणि कलम 509 अंतर्गत कारवाई होऊ शकते. 4. भारतीय दंड संहिता (IPC) कलम 268 आणि 290 रस्त्यावर अथवा सार्वजनिक ठिकाणी त्रासदायक वर्तन केल्यास कलम 268 आणि 290 नुसार दंड भरावा लागू शकतो. 5. भारतीय दंड संहिता (IPC) कलम 147 आणि 149 जर समूहाने मिळून कोणावर जबरदस्तीने रंग लावले तर तो दंगल करण्यासारखा गुन्हा मानला जातो आणि कलम 147 आणि 149 नुसार शिक्षा दिली जाऊ शकते. होळी साजरी करताना या गोष्टी लक्षात ठेवा: ✅ संमतीशिवाय कोणालाही रंग लावू नका.✅ महिला आणि मुलींच्या सुरक्षेची काळजी घ्या.✅ नशेत कोणालाही त्रास देऊ नका.✅ पोलिस तक्रार झाल्यास कायदेशीर कारवाईस सामोरे जावे लागेल. होळी आनंदाची, जबरदस्तीची नाही! होळीचा खरा आनंद आपल्या प्रियजनांसोबत साजरा करण्यामध्ये आहे. जबरदस्तीने कोणावर रंग लावणे ही गंमत नाही, तर तो कायदेशीर गुन्हा आहे. त्यामुळे सण साजरा करताना आपल्या मर्यादा ओळखा आणि जबाबदारीने वागा. “रंग आनंदाचे असावेत, त्रासाचे नाही!”

salman-khan-katrina-kaifs-fake-photo-internet
Bollywood

Salman Khan चा सपोर्ट आणि Katrina चा संघर्ष

Maharashtra Katta
Spread the love

Spread the love Bollywood मध्ये success मिळवणं सोप्पं नाही, आणि जर तुम्ही outsider असाल, तर struggle आणखी वाढतो. अशीच एक story आहे Katrina Kaif ची, जिने आपल्या मेहनतीने आणि Salman Khan च्या सपोर्टने आपलं करियर उभं केलं. salman khan new Katrina जेव्हा इंडस्ट्रीत नवीन होती, तेव्हा तिला अनेक struggles ला सामोरं जावं लागलं. एकदा तर John Abraham ने तिला एका फिल्ममधून drop केलं होतं. ही गोष्ट Katrina ला खूप लागली आणि ती रडतच Salman कडे गेली. तेव्हा Salman ने तिला सांत्वना दिली आणि सांगितलं, “तू एक दिवस इंडस्ट्रीची टॉप actress बनेल.” Salman ने फक्त तिला emotional support दिला नाही, तर professionally देखील guide केलं. त्याने Katrina ला हिंदी improve करण्यास सांगितलं, जे तिच्या करियरसाठी खूप फायदेशीर ठरलं. पुढे जाऊन तिने John सोबत पुन्हा काम केलं आणि त्या गोष्टीला मागे टाकलं. Even after her breakup with Salman, त्याने तिच्या career मध्ये support कमी केला नाही. Salman च्या मदतीने तिने अनेक सुपरहिट सिनेमे केले. आज Katrina, Vicky Kaushal सोबत happy married life enjoy करत आहे आणि रणबीर कपूर देखील Alia Bhatt सोबत settle झाला आहे. Katrina चा हा journey proves करतो की struggle कितीही मोठा असो, योग्य सपोर्ट आणि मेहनतीने यश मिळवता येतं!

Leave a Reply

Your email address will not be published. Required fields are marked *