महाराष्ट्र अर्थसंकल्प 2025: बळीराजासाठी नवी दिशा
महाराष्ट्र राज्याचा 2025-26 चा अर्थसंकल्प आज सादर करण्यात आला असून, कृषी, गृहनिर्माण, जलसंधारण, ऊर्जा, आणि पायाभूत सुविधा क्षेत्रांसाठी मोठ्या घोषणा करण्यात आल्या आहेत. उपमुख्यमंत्री आणि वित्तमंत्री अजित पवार यांनी या अर्थसंकल्पात शेतकऱ्यांसाठी महत्त्वाच्या योजना जाहीर केल्या आहेत.
शेतीसाठी महत्त्वाच्या योजना
- मुख्यमंत्री सौर कृषी वाहिनी योजना 2.0 अंतर्गत २७ जिल्ह्यांमध्ये २७७९ विद्युत उपकेंद्रांसाठी सौर प्रकल्प हाती.
- कृषी क्षेत्रासाठी ९७१० कोटी रुपयांचा निधी मंजूर.
- बळीराजा शेत व पाणंद रस्ते योजना सुरु करणार.
- देशी गायींचे संगोपन व संशोधनासाठी नागपूर येथील गौ-विज्ञान अनुसंधान केंद्रास सहाय्य.
गृहनिर्माण क्षेत्रातील घोषणा
- प्रधानमंत्री आवास योजना (PMAY) अंतर्गत २०२५ अखेरपर्यंत उर्वरित घरकुलांचे बांधकाम पूर्ण करण्याचे उद्दिष्ट.
- राज्यातील विविध गृहनिर्माण योजना एकत्रित करून नवीन गृहनिर्माण धोरण जाहीर करणार.
ऊर्जा आणि पायाभूत सुविधा
- मुख्यमंत्री बळीराजा मोफत वीज योजना अंतर्गत ४५ लाख कृषी पंपांना मोफत वीज.
- सोलार ऊर्जा प्रकल्प आणि जलविद्युत प्रकल्पांसाठी मोठ्या गुंतवणुकीचा संकल्प.
- नार-पार-गिरणा नदीजोड प्रकल्पातून नाशिक व जळगाव जिल्ह्यांसाठी सिंचनाचा लाभ.
वाहतूक आणि नागरी विकास
- ६ हजार डिझेल बसचे रुपांतर सीएनजी व एलएनजी बसमध्ये करण्याची योजना.
- अमरावतीतील बेलोरा विमानतळ मार्च २०२५ पासून कार्यान्वित होणार.
- नगर विकास विभागासाठी १०,६२९ कोटी आणि ग्रामविकास विभागासाठी ११,४८० कोटी रुपयांचा निधी.
पर्यावरण आणि जलसंधारण
- गाळमुक्त धरण-गाळयुक्त शिवार योजना कायमस्वरूपी राबविण्याचा निर्णय.
- बांबू लागवड प्रकल्पासाठी ४३०० कोटींची तरतूद.
- जलयुक्त शिवार अभियान २.० अंतर्गत २०२६ पर्यंत १.५ लाख कामे पूर्ण करणार.
या अर्थसंकल्पात ग्रामीण आणि शहरी भागाच्या समतोल विकासावर भर देण्यात आला असून, महाराष्ट्राच्या सर्वांगीण विकासासाठी महत्त्वाच्या योजना राबविण्याचा संकल्प करण्यात आला आहे.
