Holi चा सण संपूर्ण भारतात मोठ्या उत्साहात साजरा केला जातो. हा सण वाईटावर चांगल्याच्या विजयाचे प्रतीक मानला जातो. होळीच्या दिवशी Holika Dahan केले जाते आणि त्यानंतरच्या दिवशी धूलिवंदन साजरे केले जाते. महाराष्ट्रात या सणाशी संबंधित अनेक प्रथा आणि परंपरा पाळल्या जातात. यातीलच एक महत्त्वाची प्रथा म्हणजे होळीच्या अग्नीत नारळ अर्पण करणे.
होळीच्या अग्नीत नारळ अर्पण करण्याचे महत्त्व
नारळाला हिंदू धर्मात विशेष महत्त्व आहे. धार्मिक विधींमध्ये त्याचा उपयोग शुभ मानला जातो. नारळाचे तीन डोळे त्रिगुणांचे प्रतीक मानले जातात. त्यामुळे पूजेमध्ये नारळाचा समावेश अनिवार्य मानला जातो.
- आर्थिक स्थिती सुधारण्यासाठी – मान्यता आहे की होळीच्या अग्नीत नारळ अर्पण केल्यास घराची आर्थिक परिस्थिती सुधारते.
- कर्जमुक्तीसाठी – घरातील व्यक्तींवरील आर्थिक अडचणी आणि कर्जाचा भार कमी होतो.
- शुभ आशीर्वाद मिळण्यासाठी – कुटुंबाच्या कल्याणासाठी आणि सुख-समृद्धीसाठी होळीमध्ये नारळ अर्पण करण्याची परंपरा आहे.
- राहिलेली कामे पूर्ण होण्यासाठी – होळीच्या दिवशी कापूर टाकून नारळ जाळल्यास, अडथळे दूर होतात आणि रखडलेली कामे मार्गी लागतात.
होळी पूजेचा शुभ मुहूर्त
पंचांगानुसार, 13 मार्च 2025 रोजी रात्री 11:26 ते 12:30 या वेळेत होळी पूजेचा शुभ मुहूर्त आहे. या दिवशी घरातील एक नारळ हातात धरावा, तो संपूर्ण घरात फिरवून होलिका दहनाच्या वेळी अग्नीत समर्पित करावा.
