केंद्रीय अर्थमंत्री निर्मला सीतारामण यांनी 2025 चा केंद्रीय अर्थसंकल्प सादर करताना कृषी, उद्योग, शिक्षण आणि इतर महत्त्वपूर्ण क्षेत्रांसाठी मोठ्या घोषणा केल्या. मोदी सरकारच्या तिसऱ्या कार्यकाळातील हा दुसरा पूर्ण अर्थसंकल्प होता. आता, केंद्र सरकारच्या अर्थसंकल्पानंतर सर्वांचं लक्ष राज्याच्या अर्थसंकल्पावर आहे. महाराष्ट्र राज्याचा अर्थसंकल्प कधी सादर होईल, याची माहिती राज्याचे उपमुख्यमंत्री आणि अर्थमंत्री अजित पवार यांनी दिली आहे.
अजित पवार यांनी सांगितले की, राज्याचा अर्थसंकल्प मार्च महिन्याच्या पहिल्या किंवा दुसऱ्या आठवड्यात सादर केला जाईल. त्यांनी हीही स्पष्ट केली की, राज्याचा अर्थसंकल्प तयार करताना शेतकऱ्यांचे आणि महिलांचे कल्याण लक्षात घेतले जाईल. विशेषतः, लाडक्या बहिणींसाठी तसेच राज्यातील शेतकऱ्यांसाठी काही महत्त्वाचे निर्णय घेतले जातील, असे त्यांनी सांगितले.
अजित पवार यांनी याबद्दलही स्पष्ट केले की, या अर्थसंकल्पात तरुण-तरुणी आणि सर्वसामान्य नागरिकांचा विचार केला जाईल. यामुळे विविध समाजिक गटांना अधिक फायदे मिळू शकतात. राज्याच्या अर्थसंकल्पात होणारे हे बदल राज्याच्या अर्थव्यवस्थेला निश्चितच गती देतील, असं दिसतं.
सर्वांचे लक्ष आता याकडे लागले आहे की, अजित पवार यांच्या नेतृत्वाखाली महाराष्ट्र सरकार कोणत्या महत्त्वपूर्ण निर्णयांवर काम करत आहे आणि त्यांचा राज्याच्या नागरिकांना किती फायदा होणार आहे.
