मुंबई इंडियन्सने कोलकाता नाईट रायडर्सवर विजय मिळवत IPL 2025 मध्ये आपली गती वाढवली आहे. या विजयामुळे गुणतालिकेत सहाव्या स्थानावर पोहोचलेल्या मुंबई इंडियन्सच्या विजयामुळे एक व्हिडिओ सोशल मीडियावर व्हायरल झाला आहे. या व्हिडिओमध्ये ब्रिटिश गायिका आणि टीव्ही प्रेझेंटर Jasmin Walia मुंबई इंडियन्सच्या सामन्यात Hardik Pandya ला सपोर्ट करताना दिसते.
सामना संपल्यानंतर जास्मिन खेळाडूंच्या बसमध्ये चढताना दिसली, जी फक्त खेळाडू आणि त्यांचे जवळचे कुटुंबीय यांच्यासाठी असते. यामुळे हार्दिक पांड्याशी तिच्या नात्याबाबत पुन्हा एकदा चर्चा सुरु झाली आहे. गेल्या वर्षी हार्दिक आणि नताशा स्टॅन्कोविक यांच्यातील संबंध संपल्याची घोषणा झाल्यानंतर हार्दिक आणि जास्मिन यांचे नाते चर्चा विषय ठरले आहे.
तसेच जास्मिन भारताच्या मोठ्या क्रिकेट सामन्यांमध्येही उपस्थित राहिली आहे. यापूर्वी तिचा एक फोटोही व्हायरल झाला होता, ज्यामध्ये टॅटू असलेला हात दिसत होता. त्या हाताचा मालक हार्दिक पांड्या असावा, अशी चर्चा झाली होती. मात्र, दोघांनीही या नात्याबाबत कोणतीही अधिकृत घोषणा केली नाही.
