Summer Care Tips :उन्हाळ्यात तापमान वाढल्यामुळे Heatstroke धोका वाढतो. त्यामुळे शरीर हायड्रेट ठेवणे आणि जास्त वेळ उन्हात न राहणे खूप महत्त्वाचे आहे. अचानक तापमान बदलल्यामुळे शरीरावर परिणाम होतो आणि डिहायड्रेशन, चक्कर येणे, उष्माघात यांसारख्या समस्या उद्भवतात. त्यामुळे उन्हाळ्यात काही महत्त्वाच्या गोष्टींचे पालन करणे गरजेचे आहे.
उष्माघात टाळण्यासाठी महत्त्वाच्या टिप्स
- शरीर झाकून ठेवा – उन्हात बाहेर जाताना स्कार्फ, गॉगल्स किंवा छत्रीचा वापर करा.
- भरपूर पाणी प्या – शरीर हायड्रेट ठेवण्यासाठी लिंबूपाणी, नारळ पाणी, उसाचा रस आणि ताज्या फळांचे रस प्या.
- पाण्याने भरलेली फळे खा – टरबूज, खरबूज, काकडी, द्राक्षे आणि आंबा पन्हा यांचा आहारात समावेश करा.
- तापत्या उन्हात जाणे टाळा – शक्यतो दुपारी १२ ते ४ च्या दरम्यान बाहेर जाणे टाळा.
- हलके आणि सैल कपडे घाला – गरम कपड्यांऐवजी हवादार आणि आरामदायक कपडे परिधान करा.
- उष्माघात झाल्यास काय कराल? – जर कोणाला उलटी, चक्कर, डोकेदुखी किंवा बेशुद्धपणा जाणवत असेल, तर त्यांना ताबडतोब थंड ठिकाणी ठेवा, घट्ट कपडे मोकळे करा आणि पाणी द्या (जर व्यक्ती शुद्धीवर असेल तरच). बेशुद्ध व्यक्तीला कोणतेही द्रवपदार्थ देऊ नयेत, यामुळे श्वसनास अडथळा येऊ शकतो.
उष्माघाताची लक्षणे कधीही दुर्लक्ष करू नका, कारण योग्य वेळी उपचार न केल्यास ते प्राणघातक ठरू शकते. योग्य काळजी घेतल्यास तुम्ही उन्हाळ्यात सुरक्षित आणि निरोगी राहू शकता.
